New Justice Culture

Մեր թիմը

Հիմնադիրներն ու անդամները, որոնք ղեկավարում են «Նոր արդարադատության մշակույթ»-ի ծրագրերը, հետազոտությունները և համայնքային աշխատանքը։

Հիմնադիրներ

Անի Ջիլոզյան
«Արդարության նոր մշակաույթ» ՀԿ համահինմադիր
Մասնագիտությամբ հանրային առողջության մասնագետ եմ և երկար տարիներ աշխատել եմ մարդու իրավունքների ոլորտում։ Վերջին երկու տասնամյակների ընթացքում աշխատել եմ տարբեր ուղղություններով՝ առողջապահությունից և զարգացման ծրագրերից մինչև բռնության կանխարգելման և գենդերային հավասարության ծրագրերին։ Իմ աշխատանքի ընթացքում զբաղվել եմ հետազոտություններով, աջակցել եմ հանրային քաղաքականությունների մշակմանն ու տարբեր նախաձեռնությունների, որոնք միտված են մարդկանց կյանքը բարելավելուն։ Այս տարբեր փորձառությունները միավորում է մեկ հետաքրքրություն՝ ինչպես կառուցել հասարակություն, որը հիմնված են արժանապատվության, վստահության, պատկանելության զգացման և փոխադարձ պատասխանատվության վրա։ Համոզված եմ, որ ամուր մարդկային հարաբերությունները կարևոր են թե՛ յուրաքանչյուր մարդու, թե՛ ամբողջ հասարակության բարեկեցության համար, և որ կայուն փոփոխությունը նույնքան կախված է մարդկանց միջև կապերից, որքան ամուր ինստիտուտներից։ Իմ աշխատանքում կարևորում եմ հետաքրքրասիրությունը, բաց մտածողությունը և ընդունված պատկերացումները վերանայելու պատրաստակամությունը։ Առաջնորդվում եմ շարունակ սովորելու ձգտումով և այն համոզմամբ, որ առաջընթացը հաճախ պահանջում է փորձել, դիմանալ դժվարություններին և, երբ պետք է, նորից սկսել։ Մասնագիտական գործունեությունից բացի, ես սփյուռքահայ եմ, կին և մայր։ Այս ինքնությունները չեն առանձնանում իմ աշխատանքից․ դրանք ձևավորում են իմ մասնագիտական հետաքրքրություններն ու այն, թե ինչպես եմ հասկանում արդարությունը, հավասարությունը և համայնքը։ Տարբեր մշակույթների միջև ապրելն ինձ սովորեցրել է գնահատել երկխոսությունը և աշխարհին մեկից ավելի տեսանկյունից նայելու կարևորությունը։ Ինձ համար արդարությունը երևում է նրանում, թե ինչպես ենք վերաբերվում միմյանց, ինչպես ենք հոգ տանում իրար մասին և ինչպես ենք կառուցում այնպիսի հասարակություն, որտեղ յուրաքանչյուր մարդ կարող է ապրել արժանապատիվ ու ազատ կյանքով և զգալ, որ իր տեղն ունի։
Հասմիկ Գևորգյան
«Արդարության նոր մշակաույթ» ՀԿ համահինմադիր
Ես կրթություն եմ ստացել արվեստի ոլորտում, սակայն իմ մասնագիտական և անձնական արժեքներն ինձ ուղղորդել են դեպի կանանց իրավունքների պաշտպանությունը և պայքարը արդարության համար։ Ավելի քան մեկ տասնամյակ աշխատել եմ բռնության ենթարկված կանանց և երեխաների հետ՝ կազմակերպելով և համակարգելով աջակցության ծրագրեր, ինչպես նաև ապահովելով անվտանգ միջավայր նրանց համար, ովքեր հայտնվել են ճգնաժամային իրավիճակներում։ Այս փորձառությունն ինձ համոզել է, որ արդարության մշակույթի ձևավորումը հիմնարար նշանակություն ունի մարդու իրավունքների պաշտպանության և հասարակության առաջընթացի համար։ Ինձ համար արդարության մշակույթը նշանակում է ստեղծել այնպիսի միջավայր, որտեղ յուրաքանչյուր մարդ, անկախ իր սեռից կամ սոցիալական կարգավիճակից, ունի հավասար հնարավորություններ, պաշտպանված է բռնությունից և կարող է լիարժեք իրացնել իր իրավունքները։ Իմ աշխատանքը միտված է ոչ միայն անհատներին աջակցելուն, այլև հասարակական վերաբերմունքների փոփոխությանը։ Համոզված եմ, որ արդար հասարակություն կառուցելու համար անհրաժեշտ է խթանել փոխադարձ հարգանքը, հավասարությունը, պատասխանատվությունը և մարդու իրավունքների նկատմամբ գիտակցված վերաբերմունքը։ Հենց այս արժեքներն են առաջնորդել ինձ ինչպես կանանց աջակցության ծրագրերի իրականացման, այնպես էլ հանրային իրազեկման և մասնագիտական զարգացման նախաձեռնությունների ընթացքում։ Ցանկանում եմ շարունակել իմ ներդրումն ունենալ արդարության մշակույթի զարգացման գործում՝ նպաստելով այնպիսի հասարակության ձևավորմանը, որտեղ յուրաքանչյուր մարդու ձայնը լսելի է, իրավունքները պաշտպանված են, իսկ արժանապատվությունը՝ հարգված։
Զարուհի Հովհաննիսյան
Արդարության նոր մշակույթ ՀԿ համահիմնադիր
Ես իրավապաշտպան եմ, գենդերային փորձագետ, հաղորդակցության մասնագետ, հրապարակախոս և քաղաքացիական հասարակության ակտիվ ներկայացուցիչ։ Իմ մասնագիտական գործունեության առանցքում մարդն է՝ իր արժանապատվությամբ, իրավունքներով և արդարության նկատմամբ ունեցած ակնկալիքով։ Ավելի քան քսանհինգ տարի աշխատում եմ հանրային հաղորդակցության, լրագրության, մարդու իրավունքների պաշտպանության և սոցիալական արդարության ոլորտներում։ Իմ գործունեությունը միավորում է իրավապաշտպանությունը, հանրային քաղաքականությունների վերլուծությունը, ռազմավարական հաղորդակցությունը և հասարակական փոփոխությունների խթանումը։ Տարիներ շարունակ ներգրավված եմ եղել կանանց իրավունքների պաշտպանության, գենդերային հավասարության, ընտանեկան և սեռով պայմանավորված բռնության կանխարգելման, ինչպես նաև քրեակատարողական համակարգի հանրային վերահսկողության աշխատանքներում։ Համագործակցել եմ տեղական և միջազգային կազմակերպությունների հետ՝ մշակելով հետազոտություններ, ուսումնական նյութեր, հաղորդակցական ռազմավարություններ և վերապատրաստման ծրագրեր։ Որպես հրապարակախոս՝ գրում եմ մարդու իրավունքների, ժողովրդավարության, քաղաքական մշակույթի, բռնության, հիշողության և հասարակական փոխակերպումների թեմաներով։ Իմ հոդվածներն ու վերլուծությունները հրապարակվել են հայկական և միջազգային հեղինակավոր հարթակներում՝ նպաստելով կարևոր հանրային քննարկումների ձևավորմանը։ Հավատում եմ, որ արդարությունը միայն իրավական հասկացություն չէ․ այն մշակույթ է, որը ձևավորվում է մեր ամենօրյա ընտրությունների, հանրային խոսքի և փոխադարձ պատասխանատվության միջոցով։ Իմ աշխատանքը նպատակ ունի նպաստել հենց այդ մշակույթի ձևավորմանը՝ ստեղծելով ավելի ազատ, անվտանգ և արժանապատիվ հասարակություն բոլորի համար։
Անի Հակոբյան
«Արդարության նոր մշակույթ» ՀԿ ծրագրի ղեկավար
Համակարգում է աշխատարանները, ֆորումները և մարզային ծրագրերում գործընկերների հետ աշխատանքը։

Անդամներ

Կապ մեզ հետ

Թողեք ձեր հաղորդագրությունը՝ մենք կպատասխանենք հնարավորինս շուտ։ Կարող եք նաև այցելել մեր գրասենյակ կամ զանգահարել։

Մեր գրասենյակը

Դավիթ Անհաղթի փողոց 23, Երևան, Հայաստան

Կապ

info@newjusticeculture.com

+374 55 66 0858